«Көктүбек селолық округі әкімінің аппараты» ММ

«Көктүбек селолық округі әкімінің аппараты» - мемлекеттік мекеме (бұдан  әрі мемлекеттік мекеме) жергілікті атқару саласында басшылықты жүзеге асыратын Қазақстан Республикасының мемлекеттік органы болып және мемлекеттік мекеменің ақпараттық – талдау, құқықтық – ұйымдастыру және материалдық – техникалық  қамтамасыз ету қызметін іске асыруға өкілетті  атқарушы  орган  болып  табылады.     

Мемлекеттік мекеме өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.

Міндеттері:   

  • мемлекеттік мекеменің іс кеңсесін ұйымдастырады, қызметтік құжаттарды қарау, есебін жүргізу және тіркеуді қамтамасыз етеді, реестр әзірлейді және жіберілетін құжаттардың уақытында таратылуына бақылау жасайды, мұрағатқа тапсырылатын құжаттарды жүйелейді, сақталуын іске асырады;
  • бекітілген кестеге сәйкес заңды және жеке тұлғаларды қабылдауды ұйымдастырады, электрондық мәлімет базасында жазбаша және ауызша үндеулерді есепке алады және тіркейді;
  • селолық округ әкімінің шешімдері және өкімдері жобаларын әзірлейді;
  • бюджетке салық түсімдерінің және басқа да міндетті төлемдердің  түсуіне, оның ішінде заңды тұлға-салық төлеушілердің мүлік, көлік, жер салықтары, салық төлеушілерді салық сомасы жөнінде ақпарат ету, салық органымен, жергілікті банк бөлімшесімен, уәкілетті органның белгілеген мерзімі мен тәртібі салық сомасының пошта байланысына тапсыруға көмек көрсетеді;
  • әскери қызмет, жалпы әскери міндет және азаматтық қорғаныс сұрақтары бойынша заңнамалардың орындалуын және өз құзыры шеңберінде ұйымдастыру, сондай-ақ жұмылдыру және жаппай әскерге шақыруды қамтамасыз ету; әскери есепті жүргізуді іске асыру, әскерге шақырушыларды жинақ пунктеріне келуін ұйымдастыру, әскерге міндеттілердің есеп мәліметтерінде өзгерістер және қозғалысы туралы есеп тапсырады;
  • нотариалды іс-әрекет жүргізеді;
  • Қазақстан Республикасы Үкіметінің бекіткен Реестірі бойынша тұрғындарға мемлекеттік қызмет көрсетеді;
  • статистикалық шаруашылық есебін жүргізеді;
  • әкімгері болып табылатын, аудандық мәслихатқа бекітуге бюджеттік бағдарламаларды әзірлеп, қатысады;

   - ауылдық (селолық) округі әкімі аппаратының іс-әрекетіне (жергілікті орган аппараты, мемлекеттік қызметшілердің біліктілігін көтеру, мемлекеттік органның бөлмелерін, құрылымдарын, ғимараттарын күрделі жөндеу, мемлекеттік органды материалдық-техникалық жабдықтау)

   - жедел жағдайда ауыр науқас адамдарды жақын орналасқан денсаулық сақтау мекемесіне жеткізу, дәрігерлік көмек көрсетуді ұйымдастыру;

   -үйде мұқтаж адамдарға әлеуметтік көмек көрсету;

   -мектепке дейінгі тәрбие мен оқытуды ұйымдастыруды қолдау;

   -жергілікті жерде мәдени-сауықтыру жұмыстарын қолдау;

   -ауылдық жерде оқушыларды мектепке дейін тегін алып баруды және кері алып келуді ұйымдастыру;

   -елді мекендер көшелерін жарықтандыру;

   -елді мекендердің санитарлық тазалығын қамтамасыз ету;

   -жалғыз басты адамдарды жерлеу және мәйіт орнын қалыпты жағдайда ұстау;

   -ауылдық (селолық) округтің мемлекеттік тұрғын үй қорын сақтау;

   -елді мекендерді көріктендіру және көгалдандыру;

   -ауылдық (селолық) округтерде аудандық маңызы бар автомобиль жолдарының инфрақұрылымын дамыту;

   -ауылдық (селолық) округтерде аудандық маңызы бар жолдарды қалыпты жағдайын қамтамасыз ету;

   -елді мекендерді сумен қамтамасыз етуді ұйымдастыру.

 

«Көктүбек селолық округі әкімінің аппараты» ММ-нің әкімі – Дүсіпов Әсет Қабдылұлы.

 

2365 1980 жылы Красноармейка ауылшаруашылық техникумын «техник-механик» мамандығы бойынша тәмамдады, 1993 жылы Павлодар қаласының Қазақ мемлекеттік техникалық университетін «инженер-механик» мамандығы бойынша аяқтады.

Еңбек жолын 1980 жылы Жалтыр совхозында ауылшаруашылық-механигі болып бастаған. Кеңес армиясының әскері қатарында әскери қызмет өтеу. (1981-1983жж.). Жалтыр совхозында  МТМ механигі (1983-1984жж.). Жалтыр совхозының МТМ меңгерушісі (1984-1986жж.). Жалтыр совхозының бас инженері (1986-1996жж.). «Қамқор» АҚ директоры (1997-1999жж.). «Алмаз-Әулие» ШҚ-ның басшысы (1999-2007жж.). «Казахавтодор» АМК  ДЭУ-85 басшысы (2007-2008жж.). Май аудандық мәслихатының аға эксперті (2009-2010жж.). Малайсары селолық округінің әкімі (2010-2012жж.). 2013 жылдың 28 қаңтарынан бастап Көктүбек селолық округінің әкімі.

Селолық округі әкімі өкілеттігі:

1) аудан әкімдігіне мемлекеттік мекеменің Ережесін бекітуге ұсынады;

2) мемлекеттік мекемеде ішкі еңбек тәртібін бекітеді;

3) мемлекеттік мекеменің шығыс сметасын бекітеді және оның шегінде қаржы құжаттарына иелік етеді;

4) мемлекеттік мекеме бойынша нұсқама бекітеді;

5) мемлекеттік мекеме қызметкерлерінің функционалдық міндеттері мен өкілеттіктерін анықтайды;

6) Қазақстан Республикасы заңнамаларына сәйкес мемлекеттік мекеме жұмысшыларын лауазым орындарына тағайындайды және босатады;

7) заңда белгіленген тәртіп бойынша мемлекеттік мекеменің жұмысшыларын тәртіптік жауапкершілікке тартады;

8) мемлекеттік мекеменің құзырына кіретін сұрақтар бойынша белгіленген тәртіпте мәжіліс өткізеді;

9) мемлекеттік органдарда және басқа ұжымдарда мемлекеттік органды ұсынады;

10) Қазақстан Республикасының заңнамаларына сәйкес басқа да өкілеттігін жүзеге асырады;

11) Өз құзыреті шегінде жемқорлыққа қарсы әрекет етуге міндетті, және Қазақстан Республикасының сыбайлас жемқорлыққа қарсы күрес заңдылығының талаптарын оның қарамағындағы тұлғалар бұзғаны үшін жауапты болады.

Қабылдау уақыты – әр апта сайын: жұма – сағат 15.00-ден 18.00-ге дейін.

Мемлекеттік мекеменің заңды мекен-жайы: 115%800, Қазақстан Республикасы, Павлодар облысы, Май ауданы, Көктөбе ауылы, Қазбек би көшесі, 24. 

Телефон/факс: 8 (71838) 91511

 

Copyright © 2014  "Май ауданы әкімінің аппараты" ММ

Сайтты әзірлеу және қолдау: студия Gala